Negras (EDICIÓN LITERARIA - POESÍA) - Hardcover

Asorey, Daniel

Hardcover

ISBN 10: 8411100510 ISBN 13: 9788411100519

Verlag: Edicións Xerais, 2022

Inhaltsangabe

A morte é un proxecto político, asegura a cita de Lupe Gómez que abre as páxinas de «Negras». Nestes versos penetrantes escóitase como disparan ás negras detrás dos supermercados e como prenden lume á lingua que avivece a gheada. A cor escura das vítimas hase enfrontar á violencia que o capital exerce sobre elas, pobres, perdedoras, cheirentas, miserables. Son, todas, negras. Negras no agravio; negras na pel; negras na indefensión; negras na lingua; negras na rabia; negras desde o río Ulla ata Ohio ou o Lago Erie. Se cadra, a forza da súa rebelión, como a enorme forza da poética deste poemario de Daniel Asorey, está na herdanza silenciosa da lingua escura dos grillóns.

Über diesen Titel

Über die Autorin bzw. den Autor

Daniel Asorey Vidal (Santiago de Compostela), profesor de lingua galega e literatura, é autor de artigos e libros de texto. Os seus poemarios máis destacados son «Transmatria» (Xerais, 2019), Premio Johán Carballeira 2018; «Contra natura», Premio González Garcés 2020, e «Negras» (Xerais, 2022). Como narrador, con «Nordeste» obtivo o Premio Repsol de Narrativa Breve (2016) e foi finalista dos Premios da Crítica de Galicia (2017) e do San Clemente (2017); coa novela «As mulleres da fin do mundo» (Xerais, 2019) foi finalista da XXXIII edición do Premio Xerais de Novela. Alén diso, obtivo o Premio Nélida Piñón de Relato (2018), o Certame de Narracións Manuel Murguía (2002), o Terra de Melide (2001), o Certame de Relato Curto Cidade Vella (1988) e foi premiado no certame 17 de Maio da Facultade de Filoloxía da USC. O feminismo, a reivindicación do movemento anticolonial e das identidades non heteronormativas son constantes na súa obra.

Details zur Ausgabe

• Verlag: Edicións Xerais
• Erscheinungsdatum: 2022
• Sprache: Galizisch
• ISBN 10: 8411100510
• ISBN 13: 9788411100519
• Einband: Gebundene Ausgabe
• Anzahl der Seiten: 80
• Kontakt zum Hersteller: Nicht verfügbar
• Verantwortliche Person: Nicht verfügbar