Os Celtas: Unha (re)visión dende Galicia (OBRAS DE REFERENCIA - XERAIS UNIVERSITARIA - HISTORIA E XEOGRAFÍA) - Softcover

Calo Lourido, Francisco

Softcover

ISBN 10: 8499140963 ISBN 13: 9788499140964

Verlag: Edicións Xerais, 2010

Inhaltsangabe

Os celtas, despois de moitos anos nos que se fixo investigación arqueolóxica sen precisar deles, rexurdiron, en Europa e en toda a Península Ibérica, como tema de investigación e, sobre todo, de polémica, na década dos oitenta. A comunidade científica, sensu lato, sufriu, en Galicia, unha división negativa entre celtófilos e celtófobos, como se de equipos de fútbol se tratase. Proliferaron, aquí, publicacións sobre o celtismo, nas que todo era, e aínda é, celta, ou nas que a verba celta pouco máis ocupaba que unha parte do título. Neste libro, o autor fixo un achegamento á cuestión, fuxindo dos tópicos e das repeticións miméticas do que se escribiu sobre o celtismo europeo. Galicia ten unha personalidade propia e diferenciada desde a Prehistoria, polo que o estudo do seu devir histórico precisa dun tratamento específico. Partindo da premisa de que o celta é, primo et per se, unha cuestión de lingua, faise un percorrido polo campo do indoeuropeo, polo Hallstatt e La Tène, tratados como culturas arqueolóxicas, así como polas actuais teorías científicas peninsulares, para rematar entrando en Galicia. Repásase, aquí, a historiografía de precursores e románticos sobre celtas e analízanse as fontes clásicas que fan referencia á Terra. Dedícase un denso capítulo á fulcral cuestión lingüística e outro á sociedade e a relixión no resto de España e en Galicia, sempre procurando as posibles semellanzas e diferenzas. Faise tamén unha incursión na materia de Bretaña, polo achegamento céltico medieval que puido significar e compárase a arte peninsular dos pobos ibéricos, da Meseta e galaicos, para rematar cun achegamento aos aspectos etnográficos que, de xeito superficial e mistificador, figuran nas publicacións sobre celtas. Ilustra o libro un completo aparato gráfico, elaborado ad hoc polo autor, así como unha bibliografía ampla, actualizada e en versión orixinal dos diferentes países europeos nos que se investiga a presenza ou ausencia de celtas.

Über diesen Titel

Biografía del autor:

FRANCISCO CALO LOURIDO (Porto do Son, 1948), Licenciado en Filosofía e Letras e Doutor en Xeografía e Historia pola Universidade de Santiago. Catedrático de Xeografía e Historia, foi director de varios institutos, ensinando actualmente no IES " Torrente Ballester " de Pontevedra. Impartiu clases nas universidades de Santiago e do Porto e foi bolseiro de Formación de Persoal Investigador do CSIC. Recibiu o premio de investigación " Antón Losada Diéguez " (1995 e 2011), o colectivo " Otero Pedrayo " (1979) e varios premios á creación literaria. Patrón do Museo do Pobo Galego, do que foi secretario da Xunta Reitora, correspondente da Real Academia Galega, membro da Sociedade Portuguesa de Antropologia e Etnologia, etc. Desenvolve a súa actividade investigadora nos eidos da Antropoloxía e da Arqueoloxía, traballando en numerosos xacementos arqueolóxicos asturianos, portugueses e galegos e dirixindo as escavacións e consolidación do Castro de Baroña. Entre as súas publicacións, con máis de 150 títulos, cómpre salientar: La cultura de un pueblo marinero: Porto do Son (1978); As artes de pesca (1980); " The Seafaring Fishing Family as an Economic Community in Porto do Son (Spain) " , (Budapest, 1984); Xentes do mar (1996); Edición facsimilar e estudo de Cornide: Memoria sobre la pesca de sardina en las costas de Galicia (1997); Castro de Baroña. Campañas 1980-84 (1986); A Cultura Castrexa (1993); A Plástica da Cultura Castrexa Galego-Portuguesa. 2 tomos (1994); La Galice est-elle celtique? (La Bretagne, 1996); " Prehistoria e Idade Antiga " In VV.AA.: Historia de Galicia (1997); Castro de Baroña (1997); Fainas do Mar. Vida e Trabalho no Litoral Norte, (Porto, 1999); El icono guerrero galaico en su ambiente cultural (Deutsches Archäologisches Institut, 2003); O castro: da aldea autárquica á cidade desenvolvida (Penafiel, 2005); Os Camiños de Santiago na Península, do s. XI ao s. XXI (2005), Caras de Pontevedra (Concello de Pontevedra, 2006); O patrimonio marítimo de Galicia, primeira potencia pesqueira europea (2008); Do mar artesanal dos mariñeiros ao mar globalizado dos burócratas (2009) e Os celtas. Unha (re)visión dende Galicia (Xerais 2010).. No eido da narrativa, destaca o libro de relatos, Salseiros (2001).

Über diese Auflage

• Verlag: Edicións Xerais
• Erscheinungsdatum: 2010
• ISBN 10: 8499140963
• ISBN 13: 9788499140964
• Einband: Tapa blanda
• Anzahl der Seiten: 400